"Kasal ba talaga Sebastian?" Tanong nito sa kanya.
'Yes, Eliana. Wala na kong makitang pwedeng gawin para manatili ka sa poder ko at pangangalaga ko Eliana. Hindi kita pwede basta na lang kupkopin, masisilipin ako. Kaya mabuti pang pakasalan na kita para wala ng masilip pa sa akin ang ibang tao pag nalaman ang tungkol sa atin," mahabang paliwanag niya kay Eliana na nakatingin sa kanya.
Bakas sa magandang mukha ni Eliana na naguguluhan ito, na para bang hindi pa nito lubos na naiintindihan ang mga sinasabi niya rito.
Kasal na ang inalok niya sa dalaga dahil iyon naman talaga ang gusto niyang mangyari sa kanila ni Eliana. Ito na ang kanyang pagkakataon para mapasakanya na ng tuluyan ang babaing mahal niya. Hindi man sa ganitong paraan niya nais na mapasakanya si Eliana. Nais sana niya ito
