Hindi niya inaasahan na ngayon na niya maririnig kay Eliana ang mga salitang mahal siya nito. Hindi na nga siya umasa pa dahil ayaw niyang masaktan, tanggap na niya na kapiling niya ang mahal na asawa kahit na hindi siya nito mahalin. Pero ang aminin rin nito sa kanya na mahal siya nito at ibang usapan na para sa kanya. Para na rin siyang nanalo sa lotto nang marinig ang mga salitang iyon mula kay Eliana. Mga salitang matagal na niyang nais marinig mula rito at sa sobrang pagmamahal niya rito, tanggap na niya kahit hindi na siya nito mahalin pa.
Papasok pa lamang sila sa penthouse hindi na maipaghiwalay ang kanilang mga labi. Nahirapan pa nga siya sa pagbukas ng pintuan dahil hindi niya magawang pakawalan ang labi ng asawa at ganoon rin ito sa kanya. Kung sabik siya rito, ramdam niyang ma
