Isa-isa ng nagpaalam ang mga bisita sa kanila ni Sebastian, lahat naman nag congratulations sa kanila at nag abot din ng mga regalo. Tanging naiwan na lang ang Mommy niya at ang Mama ni Sebastian.
Agad siyang nilapitan ng ina nang magkaroon ito ng pagkakataon para makausap siya nito.
"Bakit kasama ng biyenan mo iyung artistang iyon kanina? Invited ba iyon kasal niyo?" Tanong ng Mommy niya sa kanya.
"Hindi ko po alam Mommy," tugon niya sa ina. Hindi naman talaga niya alam. Kahit si Sebastian hindi nito alam kung ano ang nais palabasin ng Mama nito sa pag imbita kay Marjorie.
Lumapit at nag congrats lang naman si Marjorie sa kanila kanina at hindi naman ito gumawa ng eksena kay Sebastian. Ganoon pa man hindi siya dapat makampante. Ang presence nito at tiyak na magiging palaisipan sa mara
