Hindi niya napigilan ang maiyak nang isa-isa na siyang lapitan para i congrats. Masyado siyang nagiging emosyonal sa sobrang saya ng kanyang pakiramdam, lalo na nang ang Mommy na niya ang mag congrats sa kanya at yakapin siya ng mahigpit nito. Ramdam niya ang pagmamahal ng ina sa kanya, kahit na matagal na sila nitong hindi nagkakasama. Hindi naman nagkulang sa kanya ang ina, siya ang nag desisyon na mamuhay mag-isa at huwag umasa sa ina.
"Masaya ako para sa iyo, Tessa," umiiyak na saad ng Mommy niya. Naiyak na rin ito sa sobrang tuwa sa magandang nangyayari sa buhay niya. Kung noon walang dereksyon ang kanyang buhay, ngayon alam na niya kung saan siya patungo at dahil lahat iyon kay Troy.
"Thank you po, Mommy," pasalamat niya sa ina.
"Tama na ang iyakan. Sa kasal niyo na lang ituloy iy
