“WOW!” manghang sabi ni Agatha nang dumating ang order nitong pagkain.
Napasintido si Blandon nang halos mapuno ng iba’t ibang putahe ang lamesa nila. Kahit gutom siya ay hindi niya iyon makakain lahat. Sampung putahe pala ang na-order ni Agatha. She’s impossible! Tuwang-tuwa pa ito sa dami ng pagkain, na para bang kaya nitong ubusin lahat.
Daig pa nito ang bibitayin, idinamay pa siya. May Japanese food din at ibang international cuisines na naisama. Mabuti na lang wala masyadong heavy dishes na magpapabusog kaagad sa kanila. Mayroong sushi roon, fish steak at mga gulay. Ang kanin nila ay noddles na maiigsi na kulot. May sangkap itong steamed tuna fillet at tomato sauce. Ang una niyang nilantakan ay ang roasted beef tenderloin with creamy mushroom sauce.
Hindi na siya kumain ng pasta. A
