NANGGIGIGIL na humarap si Baldwin sa lalaking nahuli nila. Ayaw nitong magsalita kung sino ang nag-utos dito na sundan siya at gustong patayin. Ni hindi ito nagsabi ng pangalan. Katulad din ito ni Alyas Joven na makunat pa sa kalabaw ang paninindigan. Ginawa na lahat ng mga pulis upang pakantahin ito ngunit bigo pa rin. Inamin lang ng lalaki na miyembro ito ng rebeldeng grupo.
Pinipigilan lang siya ni Blandon na huwag sugurin ang lalaki at saktan. Mahaba talaga ang pasensiya ni Blandon pagdating sa trabaho. Kaya siguro hindi rin siya nagkaroon ng matalik na kaibigan sa army dahil mainitin ang ulo niya. Pero depende rin naman sa sitwasyon.
“Hayaan mo na siya, bro. Ang mahalaga ay nakakulong na siya. Matutukoy rin natin ang boss nila,” awat sa kaniya ni Blandon nang kuwelyuhan niya ang lal
