AYAW pang umuwi ni Agatha. Kahit wala siyang ibang nakikita kundi kabundukan ay masaya siya. Mabuti may dala siyang pagkain sa kaniyang bag. Pinabaunan siya ni Yaya Helen ng pack lunch. May pagkain din namang dala si Lester pero konti lang.
Wala raw makakaing prutas sa bundok na iyon kaya hindi sila maaring magtagal. At saka mainit na rin ang klima. Nag-picture taking lang siya matapos kumain. Naghati sila ni Blandon sa kanin at ulam na beef adobo.
“Ang daya mo, ikaw lang ang nagbaon,” ani ni Blandon.
Nakaupo silang magkatabi sa lilim ng punung-kahoy. Mula roon ay natatanaw nila ang mas matataas na bundok na berdeng-berde.
“Hindi ko nga napansin na inilagay pala ni Yaya Helen sa bag ang lunch box,” aniya. Pino ang damong inuupuan nila at ang lambot.
“Kung alam ko lang na bababa tayo
