MABUTI na lang available ang mga pagkaing gusto ni Agatha sa Japanese restaurant na pinuntahan ni Baldwin. Pagbalik niya sa ospital ay nadatnan niyang tulog na si Agatha. Nakabukas lang ang telebisyon. Iniwan niya ang pagkain sa mesita. Konting sabaw lang ang pinalagay niya sa beef ramen at humingi lang siya ng extra seasoning. Dadagdagan na lang niya iyon ng mainit na tubig kapag kakainin na ng dalaga.
Lumabas siya ng silid at umupo sa bench sa labas. Tinawagan ulit niya si Blandon. Mabuti sumagot na ito.
“Kumusta, bro?” bungad nito.
“I wanna quit my job, bro,” walang gatol niyang sabi.
“What? May nangyari na naman ba?”
Napaangat ang timbre ng boses nito kaya inilayo niya nang bahagya ang cellphone sa kaniyang tainga.
“Parang hindi na ako magtatagal kay Agatha. Tutulong na lang ako
