PAGKATAPOS ng check-up ni Agatha sa neurologist ay pinayagan na sila ng doktor na umuwi. Pero ayaw pang umuwi ni Agatha sa mansiyon at gustong tumambay muna sa opisina. Hindi na kumontra si Baldwin. Mas mainam din iyon para ma-expose ito sa ibang tao.
Habang nasa opisina ito ng daddy nito ay nakipag-usap siya kina Yannah at Lester sa opisina mismo ni Lester. Hindi pa raw makararating ang lawyer mula sa international office.
“Ang sabi ni Xander, sasama raw siya sa lawyer papunta rito,” sabi ni Lester, na nakaupo sa swivel chair nito.
Mariing kumunot ang noo niya habang prenteng nakaupo sa couch sa gawing kaliwa ng lamesa ni Lester. Si Yannah ay nakaupo sa katapat nitong silya. Nagduda na siya bakit sasama si Xander sa lawyer. Maaring may balak itong makialam sa transaksiyon.
“Iyan din a
