PAGDATING ni Baldwin sa opisina ng kanilang ahensiya ay kararating lang din ni Blandon. Inilatag nito sa lamesa ang brown envelop. Kaagad niya itong binuksan. Mga detalye iyon tungkol sa motorsiklo na ginamit ng suspect na bumaril sa kanila.
“Nakausap ng agent ko ang may-ari ng motorsiklo. Hiniram lang daw ng pinsan niya ang sasakyan noong araw na na-ambush kayo. Umamin ang lalaki na miyembro ng new peoples army ang pinsan nito. At sa takot niya, pinahiram niya ng motor dahil binantaan umano ang buhay nito at pamilya,” sabi ni Blandon batay sa inisyal na resulta ng imbestigasyon.
“May nakuha ba kayong detalye tungkol sa pinsan ng lalaking iyon?” aniya.
“Nakuha namin ang kompletong pangalan. Pero alam naman natin na kapag miyembro ng new peoples army, may mga alyas na sila at wala nang l
