NAIBALITA kaagad ni Baldwin kay Blandon ang nangyari kay Gabriel. Kaya sa halip na isang linggo sila roon sa Batangas ay tatlong araw na lang. Nauna nang umuwi sina Blandon at Lily. Tutulong kasi si Blandon sa imbestigasyon ng pagkamatay ni Gabriel.
Ayaw pang umuwi ni Agatha kaya nag-stay pa sila ng isang gabi roon. Samantalang hindi na niya nakita si Amanda simula noong huli silang nag-usap. Ayon kay Lorence, hindi raw nagpaalam dito si Amanda.
Walang kasawa-sawa sa kaliligo sa dagat si Agatha. Namumula na ang balat nito pero hindi naman umitim. Pagkagising nila ay diretso sila sa dagat. Doon na sila nag-almusal. Nagluluksa pa rin siya dahil sa pagkamatay ni Gabriel, kaya naman ay wala siyang lakas na sabayan ang sigla ni Agatha.
Nagsawa rin kakalangoy si Agatha. Nagreklamo itong nagu
