EXCITED na si Agatha na makapasok sa bahay ni Baldwin. Pero siyempre, maghihintay pa siya kasi pupunta sila sa opisina kuno nito. Mabigat na ang tiyan niya dahil naubos ang dalawang hotdog sandwich. Nakatulong din ang traffic upang makababa muna ang kinain niya. Ginupo na rin siya ng antok.
“We’re here,” ani ni Baldwin na pumigil sa kaniya sa pagpikit.
Nakahinto na pala ang kotse sa parking lot ng dalawang palapag na gusali. Parang bahay lang ito na maraming bintana. Wala namang pangalan sa main door katulad ng sa kumpanya niya. It was a simple office.
Iginiya siya ni Baldwin papasok sa malaking pintuan. Tahimik naman doon at walang ibang tao at malamlam ang ilaw. Umakyat sila sa hagdanan. Kinikilabutan siya. Napakapit siya sa kanang braso ni Baldwin.
“Hey, it’s okay. You’re safe here,
