PAGSAPIT ng gabi pagkatapos ng hapunan ay nagpaalam na si Manang Helen kasama pa rin si Kilawin. Hinatid ito ni Baldwin sa Shaturi condominium pero hindi sa mismong tapat. Kotse naman ni Blandon ang ginamit niya. Gusto rin niyang obserbahan ang paligid ng gusali. Mahigpit ang seguridad doon.
Dumaan din siya sa gusali ng Shaturi Group of Companies. Mas mahigpit ang seguridad doon. Hindi siya sigurado kung tauhan pa rin ni Xander ang nagbabantay. Ang sabi ni Manang Helen ay iba na ang may hawak sa security department. Pagkuwan ay nag-ikot pa siya sa siyudad at naghanap ng shawarma. Gusto kasing kumain niyon ni Agatha.
Inaantok na siya pero hindi siya maaring matulog nang maaga. Marami pa silang trabaho ni Blandon. Nang mabili ang kailangan ay bumalik kaagad siya sa opisina. Nasa kuwarto na
