Sabrina
Pumasok na kami sa loob ng eco park, at hindi ko maiwasang mamangha sa ganda ng loob niyon.
Sobrang presko ng paligid puro mga puno at may mga naririnig akong mga huni ng ibon, para ka lang nasa kagubatan, "Wala kayang ahas dito?" naitanong ko bigla sa isip ko.
"Wow! Tita, ang ganda po rito," tuwang-tuwa sabi ng anak ko kay Georgina, nasa unahan ko sila, silang dalawa ang magkahawak kamay, at ako ang solo flight. Nasaan naman ang hustisya 'di ba?
Bitbit namin dalawa ni Georgina ang mga baon namin na binili n'ya kanina sa restaurant na tinigilan namin, tig-isa kami ng dalang dalawa.
"Nagustuhan mo ba Baby?" nakangiting tanong ni Georgina sa anak ko, bahagya s'yang nakatungo para tingnan si Allie.
"Yes po Tita," sagot ng anak ko kay Georgina, bago bumaling sa akin.
"Mommy, an
