MABILIS akong naglakad papunta sa lugar na pinaglalagyan ng gintong kampana. Palihim akong umalis. Hindi naman siguro ako napansing umalis noong tatlo dahil busy sila sa pagkanta at pagsasayaw. Napakatahimik tuloy ng daan dahil lahat yata ng mamamayan dito ay nasa plaza. Medyo maliwanag din ang buwan na nagsisilbing liwanag sa paligid.
Ilang lakad pa ako bago makarating sa hagdan nang may naramdaman ako sa paligid. Naisipan kong huminto at pakiramdaman sila. Labing-lima sila at pasimpleng lumalakad sa likod ng isang bahay ang pinakamalapit sa akin. Papalapit siya sa akin. Hindi ko siya nilingon bagkus ay hinintay ko ang pagsugod niya. Kalmado akong tumingin sa mataas na entabladong kinalalagyan ng kampana.
Ngumisi ako at mabilis na sinalag ang kamaong tatama sa likod ng ulo ko. Agad ko s
