DAHAN-DAHAN kong inimulat ang mga mata ko. Isang pamilyar na mukha ang naaninag kong nakatitig sa akin. Parang si...
"N-neptune?" nasabi ko nang luminaw ang paningin ko. Kaso, napabangon ako nang sampalin niya ako nang malakas.
"Ba't mo ginawa iyon!?" asar kong tanong sa kanya pero inirapan niya lang ako at naglakad papunta kay Venus. Nasa loob kami ng isang k'warto, dito yata sa bahay na ipinahiram sa amin ng mga taga Lunaryo.
"Sa wakas, gising ka na!" sabi ni Venus at lumapit siya sa akin. Umupo siya sa tabi ko, sa hinigaan ko.
"A-ano ba'ng nangyari?" naitanong ko na lang. Hindi ko kasi maalala kung paano ako napunta rito uli.
"Oo nga pala! Sina Bakiro?" Agad-agad na pumasok sa isip ko. Nasa disyerto nga pala ako at gusto kong tulungan ang kasama ni Bakiro na si Emerald para ma
