“We’ll be going to the agency, gusto mong sumama?”
“Huh?”
Napakurap-kurap si Naddie nang marinig ang sinabi ng ama.
“Po?” tanong niya ulit.
“May recording kami ng Lights Out. Gusto mo bang sumama?” tanong pa ulit nito.
Hindi agad nakasagot si Naddie. Saglit na nakatitig lang siya sa ama tapos ay muling ibinaling ang tingin sa pinapanood na TV. Nasa sala siya ng kanilang bahay at inaaliw ang kanyang sarili. Napahinga siya nang malalim at saka nag-isip.
“Anak, wala ka rin namang gagawin dito kaya mas mabuting sumama ka na lang sa amin ng papa mo,” narinig niyang sabi pa ng ina. Lumapit ito sa kanya at saka siya hinalikan sa noo. Napangiti siya at mahigpit na yumakap naman dito. Natawa pa ito dahil sa paglalambing niya.
“Okay ka lang ba, anak? Bakit parang ang clingy mo naman yata
