“Naddie…” tawag nito sa kanya. Tumayo ito mula sa inuupuang dining chair. Napakagaling lang kasi parang ang at home lang nito rito. Ni hindi man lang nito inisip na nandito ito sa unit niya. Humalukipkip siya at tinitigan lang ito.
“What—”
Nabigla na lang siya nang agad itong lumapit sa kanya at niyakap siya. Nanlaki ang mga mata niya at natulala na lang siya habang yakap-yakap siya nito. Napalunok pa ulit siya at pakiramdam niya ay natuod nga siya sa kanyang kinatatayuan.
“Damn it. I was worried when you left! Kumalas ito sa yakap at saka siya chineck. Tinaasan niya naman ito ng kilay.
“What are you doing?” takang tanong niya pa. Weirdong - weirdo siya sa ikinikilos nito pero bumuntonghininga lang si Dee.
“Iniwan mo agad ako. Ni hindi ko alam kung okay ka!” giit pa nito sa kanya
