Mabilis pa sa alas-kwatrong tumayo si Naddie mula sa pagkakadapa kay Dee. Nasapo niya ang dibdib habang nakatitig dito. May lakas siya ng loob na tumitig dito kasi mukha na itong patay sa kalasingan. Napasandal siya sa dingding ng elevator at nasapo niya na lang ang kanyang bibig. Ilang segundo rin siyang natulala roon hanggang sa tinawagan niya rin si Meera para humingi ng tulong. Mabuti na lang din at gising pa ito.
“What?” inaantok na sabi pa nito sa kabilang linya.
“Salubungin mo ako sa elevator!”
“Huh?”
“Basta! Salubungin mo ako sa elevator! Now na!” Hindi na niya ito hinintay pang sumagot at binabaan na niya ito ng tawag. Hawak niya pa rin ang dibdib habang hindi makapaniwalang pinagmamasdan si Dee na bulagta pa rin.
“Ang galing. Pagkatapos mo akong i-ghost, ngayon naman pa
