***AMAN***
Nakatulala si Aman na nasa loob ng kanyang kotse. Siya ang unang nagpaalam kina Dhenna at Kai pero hindi naman siya makaalis-alis sa parking lot ng Bar and Cafe. Nakita pa nga niyang nauna pa sa kanya si Dhenna na umalis.
Nagmamadaling sumakay kanina ng taxi ang dalaga. Kung saan pupunta ang kaibigan ay iyon ang hindi na niya inalam.
Ang totoo, dagdag pa sa ikinagugulo sa isipan niya ay si Dhenna. Ang alam niya kasi ay totoo na nagkagusto siya kay Dhenna. And he can guarantee na minahal niya talaga ang dalaga kahit pa ayaw nito sa kanya. Niligawan pa nga niya. Kaya ang tanong niya ay bakit gano’n? Bakit nakita lang niya at nakasama lang niya ulit saglit si Manet ay bakit nagulo na naman lahat ang sistema niya? Bakit litung-lito na agad ang puso niya?
Nasabunutan niya ang u
