***KAI***
“Si Manet ang tumawag?” tanong ni Kai nang makita niyang ibinaba na ni Aman ang cellphone nito pagkatapos makipag-usap sa tumawag.
Nasa trabaho sila kanina pero dahil break time ay nagkayayaan silang dalawa na kumain sa pinakamalapit na restaurant. Isa pa ay upang mapag-usapan nila ulit ang binubuo nilang plano; na para kay Aman ay paghihiganti laban kay Dhenna sa ginawa nitong panggugulo sa buhay ng kapatid, at para naman kay Kai na iligtas si Dhenna sa pinasok nitong magulong buhay.
“Yeah.” Tumango si Aman habang isinuksok ang cellphone sa bulsa. “Nandoon na si Nurse Marjorie at tulad nang inaasahan ko ay nagrereklamo si Manet. Hindi raw niya kailangan ng private nurse.”
“It was a normal reaction, though.” Kibit-balikat siya. “Hindi bale matatanggap niya rin si Marjorie.
