***MANET***
“Bakit ngayon niyo lang sinabi! Mga tanga!” bulyaw ni Dhenna sa tauhan ng kanyang Tita Saima na kausap sa cellphone.
“Sorry, Ma’am. Ngayon lang kasi namin nasigurado na babae nga ni Sir ang kasama niya ngayon.”
“Ang sabihin mo ay tanga ka!”
Hindi na nagsalita ang lalaki sa kabilang linya.
“Nasaan silang bar?! Sabihin mo na!”
“Dito po sa Bar and Cafe dito po sa Commonwealth.”
“Sige! At sa susunod huwag kayong tatanga-tanga na! Paano kung sa katangahan niyo ay hindi ko sila maabutan at mahuli?! Nakakainit kayo ng ulo, eh,” galit na sabi pa ni Dhenna bago nito pinatay ang tawag.
Ang hindi alam ni Dhenna ay nanlilisik na ang mata ng lalaking kausap.
“Relax, Cardo, hindi ka na nasanay sa ugali ng babaeng ‘yon.” Tinawanan ito ng isang kasamang si Benong. “Tawagan mo na l
