***RANDY***
“Hon, please naman! Maawa ka! Mamatay ako kapag nawala ka!” Lumuluha na rin si Randy sa labas. Patuloy siya sa pagsuntok, pagyugyog, at pagsipa sa gate ng bahay nila pagbuksan lang siya ulit sana ng asawa.
Kung kagabi ay umalis siya at natulog sa bahay ng parents niya, ngayon ay hindi na siya aalis. Ayaw niyang matapos na naman ang araw na iyon na hindi sila nagkakasundo ni Manet.
“Stop it, Randy. Hindi ka na mapapatawad ng asawa mo. Huwag mong gawing kaawa-awa ang sarili mo. You deserve better than her!” saway na ni Dhenna sa kanya.
Biglang tigil si Randy sa pagwawala. Tila ba ay ngayon lang niya ulit napansin ang presensya ng dalaga.
“Let's go. Sumama ka na lang sa 'kin. Magpakasaya tayo,” pag-alok pa ni Dhenna. Naiinis na kasi ito sa ginagawa ni Randy. “Hindi ka dap
