“Gusto kita, Alyana. Can you be mine, now?” Naestatwa lamang ako habang nakayakap sa akin si Niccolo. Sigurado ako na ang mga salita na iyon ang sinabi niya kahit halos hindi ko na marinig ang boses niya sa lakas ng pagdagundong ng dibdib ko dahil sa pagkakayakap niya sa akin at dahil sa tanong na iyon.
Pilit ko na kinakagat ang ibabang labi ko upang mapigilan ang mga ngiti na nais na kumawala rito. Ito na naman ang traydor na puso ko na kanina lamang ay galit na galit sa lalaking nakayapos sa akin pero ngayon ay hindi na naman maiwasan na kiligin at masiyahan sa mga naririnig.
Tama naman ang narinig ko, sigurado ako roon. Nagseselos siya kay Jake at tinatanong na niya ako ngayon kung puwede ba na maging totohanan na ang lahat? Aba’y, naglolokohan lang ba kami kahapon? Naguguluhan man ay
