Ngiting-ngiti na naman si Niccolo nang makauwi sa bahay nila pagkagaling sa bahay ni Alyana. Masaya siya ngayon na sa kabila ng problema na kinaharap nila ni Alyana kaninang umaga ay naayos na nila iyon ngayon at maganda na ang magiging simula ng kanilang relasyon. Alam niya na marami pa siya na pagdaraanan na pagsubok lalo na sa mga miyembro ng Elitista, ngunit balewala sa kanya ang lahat ng iyon dahil ang mas mahalaga sa kanya ay magkasundo at nagkakaintindihan na sila ng babae na gusto niya.
Iba ang saya na nararamdaman ni Niccolo. Kaibahan ito sa naramdaman niya nang sabihin ni Krishna na sila na. Iniisip na lamang niya na marahil ay hindi talaga niya gusto si Krishna maliban sa pagkakaibigan at sa palagay niya ay dala lamang ng awa ang nararamdaman niya para sa babae noon.
Nagkamal
