“Babe, habang wala ang bakod mo. ikuwento mo na ang sinasabi mo tungkol kay nerd.” utos sa akin ni Jake ng mga oras na iyon.
Kasalukuyan kami na nasa tambayan ng mga Elitista. Wala si Niccolo dahil ipinatawag siya ni dean upang kompletuhin ang ilan mga kakailanganin niya para sa nalalapit na pagtatapos namin. Kaya ito ang nakita na pagkakataon ng mga kaibigan ko upang interbyuhin ako tungkol sa mga nabanggit ko sa kanila na maaari na maging plano ni Krishna.
Kahit na kasi maayos na ang pakikisama ng mga Elitista kay Niccolo ay hindi namin pinag-uusapan ang mga bagay na gaya nito kapag kaharap siya. May mga bagay pa rin na nananatili lamang sa pagitan namin ng mga kaibigan ko. At isa na ro'n ang usapin tungkol kay Krishna.
“Oo nga, Aly. Napapansin ko rin na masyado nang lumalakas ang l
