Kababalik lamang namin ngayong araw buhat sa proyekto na pinangunahan ng Elitista sa isang bayan sa Batangas. Isang linggo kami na namalagi roon sa probinsiya at parte iyon ng extra-curricular grades namin. Bumalik kami ngayon upang makapagbigay ng ulat kay Dean pero hindi ko inaasahan na magkikita kami at maaabutan pa namin doon sa Elite High sina Niccolo at Krishna.
Pinilit ko ang sarili ko na huwag silang tingnan, ngunit hindi ko nagawa. At sa hindi ko inaasahan na pangyayari ay sabay-sabay pa kaming mga miyembro ng Elitista na napasulyap sa kanila. Nakaka-inis pa dahil sakto na sakto sa paglingon ko sa kanya ay nakatingin din pala si Niccolo sa akin. Kumabog ang puso ko nang magkatinginan kami kanina ngunit pinilit ko na patatagin ang itsura ko. Galit ako sa kanya; galit ako sa kanila
