Nang makaalis si Jake ay agad ko na binalingan si Niccolo. Hindi ko namalayan na nakatuon pala ang atensyon niya sa akin dahil tinanaw ko pa ang pag-alis ng kaibigan ko. Agad na tumambol na naman ang puso ko nang magkatinginan kami. Bakit ba ganito makatingin ang lalaki na ito? Hindi ko tuloy maiwasan ang pagsirko-sirko ng damdamin ko. Kinikilig tuloy ako kahit na hindi nararapat na maramdaman iyon.
“Gusto mo na mag-usap tayo, now, let’s talk.” Mataray na sabi ko sa kanya upang mapagtakpan ang kung ano na kaba na nararamdaman ko sa mga oras na ito.
Hindi siya agad na nagsalita at nanatili lamang na tinititigan ako. Hindi ko rin alam kung ano ang mga emosyon na rumerehistro sa mukha niya at kung ano ba ang mga tumatakbo sa isipan niya habang nakatingin siya sa akin. “What? Wala ka bang sa
