Kung inaakala ko na susundin ni Niccolo ang sinabi ko na ayaw ko na siyang makita pagkabihis ko ay nagkakamali ako. Hindi man lamang siya natinag at nanatili lamang na nakikipagtitigan kay Jake sa kuwarto ko nang matapos ako na mag-ayos. Talagang ipinipilit niya na makapag-usap kami at hindi talaga siya umuwi kahit na ano ang pagpipilit ko.
Hindi ko alam kung matatawa ako o maiinis na buong maghapon siya na nakabantay sa amin ni Jake. Ang bawat galaw at kilos namin ay minamanmanan niya at lagi rin siyang nakasunod kung nasaan kami. Kahit pilit na namin siya na iniinis at ginagalit para lamang umuwi at umalis ay hindi niya ginawa.
Sa kabilang banda naman, sobra ang tuwa at galak ng mga magulang ko na makita si Niccolo rito sa buong maghapon. Inaakala nila na gumagawa siya ng paraan upang
