Ang inaakala ni Niccolo na araw ng kasiyahan niya ay mas nauwi sa kaguluhan at kalungkutan para sa kanya. Umalis na si Alyana at hindi na nito nagawa na bigyan siya ng pagkakataon upang ayusin ang problema sa pagitan nilang dalawa. Tuluyan na siya na sinukuan ni Alyana.
Ang araw na iyon ng kanilang pagtataos, ay ang siyang araw din na mas lalo lamang nagpagulo sa magulo nang isipan ni Niccolo. Ilang araw na ang nakakaraan, pero patuloy pa rin siya na humahanap ng impormasyon kung nasaan si Alyana at ang mga Elitista. Pilit niya na inaalam kung saan nagpunta ang magkakaibigan, ngunit lahat ng alam niya na posible na makakatulong at may alam sa kinaroroonan nila Aly ay nanatili na tikom ang bibig sa kanya.
Kahit ang mga magulang niya na hiningan na niya ng tulong upang makuha ang numero ni
