Seryoso na nakatingin si Niccolo sa kanyang telepono. Nakakunot ang noo at madidilim ang mga mata na nakatuon doon. Nabubuhay ang galit sa puso niya, pero para kanino ang nararamdaman niya na iyon? Sa sarili ba niya o sa ibang tao? Kahit ang sarili na mga tanong ay hindi niya mabigyan ng kasagutan.
Inuulit-ulit niya na panoorin ang kopya ng video na ipinasa sa kanya ni Kiel kani-kanina lamang. Hindi niya mapaniwalaan ang nakikita niya na mga tagpo roon. Kopya ito ng cctv mula sa may parkingan ng eskuwelahan nila sa Elite High. At mula roon ay kitang-kita niya ang buong pangyayari sa araw na naabutan niya si Alyana na sinasaktan si Krishna.
Walang audio ang kopya ng video na iyon, pero base sa nakikita niya ay gusto niya na magalit sa kanyang sarili. Gusto niya na sisihin ang kanyang kata
