Pagkarating namin ni Niccolo sa Elite High ay nakita ko na agad ang sasakyan nina Jake at Julius sa nakasanayan na paradahan. Nakatayo na rin ang mga miyembro sa may pasukan ng unibersidad. At nang pumarada si Niccolo ay agad na nakatingin ang mga miyembro ng Elitista sa sasakyan. Halatang kanina pa rin sila naghihintay sa pagdating namin.
Pagkaparada ay mabilis naman na bumaba si Niccolo habang ako ay inayos pa ang aking gamit. Pinagbuksan pa ako ni Niccolo ng pintuan. Nang makababa ako ay agad ko na nakita ang papalapit na mga kaibigan ko. Halata ang kasabikan kay Jake nang tinawag pa niya ako habang papunta sa direksiyon namin.
“Babe!” Nang makalapit ay akma niya ako na yayakapin ngunit bigla naman ako na kinabig ni Niccolo at inilagay sa likuran niya. “What the F, Madrigal?” inis n
