Maaga na naman ako na nagising ngayon araw dahil bukod sa balik-eskuwela na ako ay hindi na naman ako napagkatulog kagabi dahil sa mga mensahe na iyon ni Niccolo. Lahat ng mga ginagawa niya nitong mga nakaraang araw ay nakapagpapagulo sa aking sistema at pag-iisip.
Hindi ko maintindihan bakit naging ganoon kabilis ang pag-iiba niya ng pakikitungo sa akin. Kahit na napupuno ako ng kilig at saya ay hindi ko pa rin maiwasan na mag-isip at mag-alala. May bahagi pa rin ng isip ko ang nagsasabi na baka ang lahat ng ito ay palabas lamang niya. Palabas niya upang hindi ko na muli na banggitin ang pag-urong sa kasal.
Aminado ako sa sarili ko na natutuwa rin ako sa naging pagkakasundo namin dalawa. Hindi ko man sigurado paano nangyari at paano nagsimula, pero masaya ako na nagiging magkaibigan na
