PAGDATING nila ni Manong Philip sa hospital ay agad silang sinalubong nina Manang Guada at Manong Jules ang mga kasamabahay ni Shine. At sina Vicky at Suzi na mga kaibigan nito.
"Nasaan si Shine?" nag-aalala niyang tanong sa mga ito.
Nag-iiyakan ang mga ito at hindi siya sinasagot.
"Ano?" Bulyaw niya sa mga ito.
Nilapitan siya ni Manang Guada. "Nasa Emergency Room sila, sir. Kritikal ang kanilang lagay ni Henry," umiiyak na sabi nito.
Nakaupo ang mga ito sa waiting area malapit sa emergency room.
"Hindi namin alam na pinuntahan ni Shine si Henry sa apartment. Hindi namin alam kung bakit? Sana pinigilan namin siya ni Vicky, na umalis, sana hindi ito nangyari," humahangulgol na sabi ni Suzi habang nakahilamos ang mga palad sa mukha nito.
"Kasalanan ko 'to, sana sinundan ko si Shine n
