PINAKIUSAPAN siya ni Russel para maghatid kay Feya sa school. Dahil wala sina Manong Philip at Manang Lot sa mansion. Naroon ito sa hacienda ng mga Alonzo at inaasikaso ang pagbubukas ng hacienda para makatulong sa mga manggagawa na nawalan ng trabaho nang magsara ito.
Samantalang si Russel naman ay may mahalaga raw na pupuntahan. Hindi nito ipinaalam sa kanya kung ano iyon. Kunsabagay, kilala naman niya ito at tiyak na kaya nitong protektahan ang sarili.
Eksakto namang day off niya at wala siyang gagawin ngayong araw ng lunes. Isa pa gusto niya ring makita si Shine dahil matagal na niya itong hindi nakikita.
Inihatid niya sa classroom si Feya. Naroon si Shine at mga kaibigan nito. Tama nga si Russel na narito rin ang dating nobyo ni Shine. Na tiyak niyang pinagseselosan ng kaibigan niy
