TATLONG araw na nanatili sa hospital si Shine dahil hindi siya pinayagan ni Russel na ma-discharge hanggat hindi ulit siya natitignan ng ob-gyne. Sobrang nag-aalala ito sa kalagayan niya. Sa tagiliran siya nabaril, mabuti na lamang at hindi iyon malala.
Nabalitaan niya na ma-discharge na si Travis at kasalukuyan itong nagpapahinga sa bahay nito sa Marikit, katabing bayan ng Fierro. Nakita niya kung paano ito nakipaglaban kahit na sobrang hirap na hirap na ito. Malaki ang utang na loob niya rito dahil iniligtas nito ang buhay niya.
Ngunit nalulungkot siya dahil hindi niya inakalang si Avery ang magbubuwis ng buhay para sa kaniya. Sa huli ay pinatunayan nito na may mabuti pa rin itong kalooban kahit na marami itong nagawang kasalanan. Sa sobrang pagmamahal nito kay Russel ay nagawa nitong
