NANGANGATOG ang mga tuhod ni Vicky habang pumapasok sa kuwarto ni Travis. Nakatakip ang buo nitong katawan ng kumot. Nakayuko at nag-iiyakan ang mga kaibigan nitong agents habang nakatayo sa gilid ng kuwarto.
Humihikbing lumapit siya at dahan-dahang inalis ang kumot na nakatakip sa ulo nito. Ibinaba niya iyon hanggang sa dibdib ni Travis. Humihikbi siya habang nakatingin sa nakapikit na mga mata nito. Hinaplos niya ang kamay sa pisngi ni Travis at niyakap ito nang mahigpit.
"Manyak ka talaga! Unggoy ka pa!" Umiiyak na bulyaw niya. "Bakit ngayon ka pa namatay, ha! Bakit ngayon pa kung kailan mahal na mahal na kita! Nakakainis ka, Travis. Pinaibig mo ako tapos 'tsaka ka mang-iiwan, nakakainis ka! O, ano, sasabihin mo sa akin na huli na ako. Sasabihin mo sa akin na selfish ako! Kaya lang na
