Nakatitig lang si Leigh sa mga halaman sa ibaba habang nakatayo siya sa veranda ng kwarto nila ni Terron.
Tulog na si Terron sa loob pero siya heto't malalim pa rin ang iniisip. Umihip ng malakas ang hangin at lumipad ang ilang hibla ng buhok ni Leigh. Kinipit n'ya ito sa tenga kasabay ng malalim na paghinga.
'Sana maniwala ka. I love you.'
Kahit anumang tanggi n'ya. Alam ni Leigh sa puso't-isip n'yang totoo ang mga salitang binitawan ni Terron. Pilit mang kinokontra 'yon nang isipan n'ya dahil sa naging kasalanan nito sa kanya. Nangingibabaw naman sa puso n'ya ang katotohanan at pagmamahal nito.
Dapat ko na ba siyang patawarin?
Kasabay ng tanong na 'yon ang pangamba na paano kung lokohin siya ulit ni Terron? Paano kung hindi na naman ito maging sigurado sa kanya? Ang hirap. Nakakatak
