ANNE'S POV:
MALAKAS ang tilaok ng manok ang nagpagising sa akin at ang sunod-sunod na tahol ng mga aso sa labas. Idagdag pa ang maagang concert ng kapitbahay naming sintunado. Kahit gusto kong bumalik sa tulog ay hindi ko magawa dahil sobrang ingay sa paligid. Bumangon ako para maghilamos at kumain ng almusal. Kinusot-kusot ko ang mga mata ko habang naglalakad papunta sa banyo. Nakasampay sa balikat ko ang tuwalya na binili ko pa sa Amerika.
Shower lang ang meron sa banyo at walang heater kung sabagay, sa Amerika lang ako gumagamit ng heater dahil sobrang lamig.
"Good morning!" Ngumiti ako sa Nanay kong abala sa pagbubunot ng buhok sa kilikili.
"Kailan ba darating ang pasalubong mo? Isang linggo ka sa Pilipinas hindi pa dumarating ang mga pasalubong mo. Iniisip nila ay wala ka naman pa
