"Moon…" bulong ni Lance sa akin.
Pagkalipas ng isang oras ay dumating na siya marahil ay tapos na ang contest kaya nakauwi na siya.
Gising ako pero nakabalot ako ng kumot habang nakatagilid na nakahiga. Hindi ko alam kung paano ako haharap kay Lance. Alam kong wala akong karapatan sa kanya pero nasasaktan ako at hindi ko kayang itago ang sakit.
Bumuntong-hininga siya. "Hindi mo dapat pinagseselosan ang anak ni kapitana dahil malaki ang pagkakaiba n'yo."
Dahil ba maganda siya, sexy kaya malaki ang pagkakaiba namin?
Iyon sana ang gusto pero nahihiya akong sabihin.
"Okay, good night."
Naramdaman kong humiga na siya sa kama. Pinilit ko na rin matulog para bukas ay panibagong araw na para sa amin dalawa.
Masakit ang ulo ko nang magising ako ng alas-sais nang umaga. Bumangon ako at nal
