HINDI ako makatingin ng diretso kay Rafael nang tanungin ako ni Andy kung may macho dancer na sumayaw sa harapan ko. Magkakasama na kaming lahat dahil alas-dose nang madaling araw.
"Oo, may macho dancer na inarkila kami." Sabay tawa ni Thesa.
Yumuko ako lalo nang makita kong hindi na maipinta ang mukha ni Rafael.
"Sana pala kumuha rin kami ng sexy na babae para busog rin ang mga mata namin ngayon," inis na sagot ni Rafael.
Tumawa si Thesa. "Selos ka naman agad. Si Bella nakakita lang ng santol tumakbo na jusko! Takot na takot sa iyo."
"Tama si Thesa, ako ang pinapunta nila sa gitna. Hindi naman nakaakit ang lalaki," sagot ni Jane. In-straight niyang inumin ang nasa baso niya at tumayo na.
"Saan ka pupunta?" tanong namin.
"Uuwi na at susunduin ko pa ang anak ko."
"Natutulog na si
