PAGKATAPOS maligo ni Erin ay nagbukas na agad siya ng cellphone at electric fan. Nakahiga na sa kama si Caleb at mukhang kanina pa naghihintay sa kaniya nang sagutin nito ang video call niya. Kaagad itong ngumiti nang matamis.
"Hmm... Ang bango naman niyang princess ko na 'yan," paglalambing nito. "Puwede ba akong mag-kiss?"
"Bakit? Mabango ka rin naman, ah. Ang pogi-pogi mo pa nga." Sumampa sa kama si Erin at sumandal sa headboard. Pagkatapos ay nagpatong siya ng unan sa ibabaw ng kandungan niya. "Sobrang lamig ba ngayon diyan sa Canada, love?"
Balot na balot kasi ang nobyo, mula ulo hanggang paa.
"Sobra, love. Lalong-lalo na sa labas. Para kang maninigas. Negative two point five degree celcius yata ang temperature dito ngayon. Mas malamig pa raw kaysa noong nakaraang December."
"M
