"PASENSIYA ka na, Ma'am Erin. Pero hindi ko na po maalagaan si Ma'm Nenita. Mag-a-apply na kasi ako abroad," isang umaga ay paalam sa kaniya ni Clarita. "Kailangan ko na pong kumita nang malaki dahil sabay-sabay na papasok sa college ang tatlo kong kapatid sa darating na pasukan."
"Gano'n ba..." malungkot na tugon ni Erin. Nanghihinayang kasi siya kay Clarita dahil bukod sa mabait, maalaga rin sa kaniyang ina. "Okay lang. Naiintindihan ko naman. Sayang lang dahil nasanay na sa'yo si Mommy. Basta next month na lang, ha? Maghahanap muna ako ng kapalit mo."
"Iyon na nga po, Ma'am, eh..." bantulot na sabi ni Clarita. "Sa makalawa na ho sana ako aalis. Urgent hiring po kasi at first come, first serve. Sayang naman po kung hindi ko ma-grab ang chance. Matagal ko na rin kasi itong pangarap, eh.
