Dalawang buwan ang matuling lumipas. At sa bawat araw na ginawa ng Diyos ay pilit iyong hinaharap ni Erin na positibo. Masiyadong mahirap at masakit pero kinakaya niya.
Tinupad niya ang pangako sa sarili na hindi na gagambalain pa si Caleb kahit gaano kagusto ng puso niya na tawagan o i-video call ito. Pilit niyang tinitiis ang pangungulila sa dating nobyo. Kahit si Kuya Rafael na palagi nitong kinukulit para lang makapag-usap sila ay walang nagawa sa desisyon niya. Hindi rin muna nakikipag-communicate si Erin kay Valentine.
And she was doing all that for Caleb and not for herself.
Kahit papaano ay nasanay na rin si Erin na walang regular na trabaho. Hindi rin niya naatupag ang online job na papasukan niya sana noon dahil conflict ang schedule sa pag-aalaga niya kay Mommy Nenita. Kaya
