Nang makita ni Erin ang mukha ni Caleb ay gusto sana niyang pindutin ang End Call button. Ngunit animo'y nanigas ang kaniyang kamay na hindi niya iyon magawa. Sa halip ay napatitig siya sa ex-boyfriend. Hindi niya maitatwa ang sobra-sobrang pangungulila niya rito.
Parang gusto niyang pumasok sa loob ng cellphone at yakapin ito. Nang sa ganoon ay maibsan ang dalawang buwan na paghihirap niya.
She wanted to tell him how much she miss him. Gusto ni Erin na kalimutan ang mga nangyari nitong mga nakalipas na buwan, bawiin ang lahat ng mga sinabi niya, at sabihin kay Caleb na mahal na mahal niya ito. Subalit matinding pagpipigil ang ginawa ng dalaga sa kaniyang sarili.
"Love, please..." pagmamakaawa ng binata. "Kausapin mo naman ako, o. Two months na rin... Two months na akong nababaliw
