Matapos iparada ni Erin ang kaniyang kotse sa tapat ng Andrada's Grille ay mabilis siyang umibis doon na dala-dala ang box-box na Empanada. Hindi siya magkaundagaga sa pagdala niyon sa loob nang salubungin siya ni Kristoff at may-ari ng restaurant na iyon. Nagmadali ito sa pag-alalay sa kaniya.
"Ang sabi ko naman sa'yo, 'wag ka nang bumaba at ako na ang kukuha ng mga 'yan. Ang tigas talaga ng ulo mo, Gosiaco," sermon nito sa kaniya at kinuha ang ibang boxes ng empanada na nakapatong sa ibabaw.
"At nagsalita ang mabait," nangingiting bawi kaagad ni Erin. "Hindi ba't sinabi ko na rin sa'yo kagabi na 'wag ka na munang pumasok at kagagaling mo lang sa lagnat? Ang tigas talaga ng ulo mo, Andrada. 'Wag mo akong maistorbo-istorbo kapag bumalik ang sakit mo, ha? Hindi na kita aalagaan."
Tumata
