"Bakit nga pala hindi mo itinuloy ang career mo as graphic designer, Erin?" tanong sa kaniya ni Matt.
Naglambing ang mga ito na doon muna siya sandali sa lamesa ng mga ito para magkuwentuhan. Pinagbiyan ni Erin dahil naging malapit din naman sa kaniya ang mga ito noong sila pa ni Caleb.
Nang pumayag siyang makipagkuwentuhan, ang akala ng dalaga ay aalis si Caleb. Pero nanatili ito sa lamesa. Katabi ni Randy at katapat ng silyang inuupuan ni Erin. Kaya ano mang ikikilos nilang dalawa ay kitang-kita ng isa't isa. Hindi nga niya maintindihan kung bakit hind pa ito umalis doon. Naiilang tuloy siya.
Sus, nagpi-fiesta nga ang puso mo ngayon dahil abot-kamay mo lang siya. pambubuko sa kaniya ng isip niya.
"Kahit naman hindi na graphic designer si Erin, successful naman siya sa pagiging p
