"Ninang! A-Akala ko kung napa'no ka na eh! Kagabi pa ako sobrang alalang alala sayo halos hindi ako nakatulog sa pag-aalala dahil hindi ka man lamang nag-message. Tumawag ka naman pero hindi ko nasagot dahil nakatulog ako." maluha luhang pahayag ni Rage sa kanya.
Agad siya nitong sinalubong ng mahigpit na yakap pagkababa niya ng kotse. Nakakapagtaka lang dahil tila ba wala lamang dito ang ginawa nito kagabi, ang pakikipagtalik nito kay Helena at ang pagsisiwalat nito ng sikreto nilang dalawa sa babae.
Paano nito nagagawa iyon na hindi man lamang na paghahalataan na nagsisinungaling, talaga bang napakahalaga ni Helena para dito.
Ano pala siya dito? Hindi ba siya mahalaga dito kaya nagawa siya nitong lokohin? Nagawa nitong isiwalat sa iba ang sagradong bagay na pinagsaluhan nila? At ta
