SAVI
ONE year later….
Hanggang ngayon ay natutulala pa rin siya habang nakatitig sa harap ng laptop. Sa tuwing bubuksan niya iyon ay hindi mapigilan muling panoorin ang video clip. Kahit anim na buwan na ang nakalipas ay sariwa pa rin ang sakit sa dibdib.
Kanina pa rin tapos ang video clip na pinanood ngunit hindi pa rin siya gumagalaw. Panay lang ang tulo ng kanyang luha. Hindi talaga niya kayang kalimutan si Dean Xian.
“Akala ko ba nakalimutan mo na ang lalaking yon bakit ngayon ay umiiyak at nasasaktan ka pa rin?” hindi niya namalayan ang paglapit ng kaibigan na si Arabella.
“Akala ko rin eh, pero hindi pa rin pala. Ang sakit lang na pinakasalan pa niya ang kakambal ko. Lahat na lang kinuha niya sa akin, siguro kung nanatili pa rin ako sa bansang Pilipinas baka pati buhay ko ay
