DEAN
NAKATINGIN lang sa kanya ang pinsang si Jew. Makikita sa mukha nito ang matinding emosyon. Kaninang hinanap nito si Savi at hindi nakita ay malakas siya nitong itinulak. Kulang na lang ay suntukin siya nito.
At hanggang ngayon ay hindi pa sila natutulog dahil sa paghahanap ng pinsan sa babaeng yon. Gustuhin man niyang umalis ay hindi magawa sapagkat utos iyon ng abuela. Wala raw aalis hanggang hindi nila nakikita si Savi.
“Kapag may masamang nangyari kay Savi, hindi ka patahimikin ng konsensya mo. Hindi ko alam kung bakit ganyan kalaki ang galit mo sa kanya. Matagal kang hindi nagpakita dito pagkatapos yan pa ang ginawa mo.”
“Wala kang alam sa totoong nangyari kaya nasabi mo ang ganyan. Kung ikaw ang nasa lugar ko baka nakapatay ka pa ng tao!” angil niya sa pinsan.
“Ano ba talaga
